Երեսուն աստիճան դեպի 3-րդ Հարկ
-webp(95)-o(jpg).webp?token=e9dacc24f0132e80e8ccc3f32aaab6ac)
1986 թվականի երիտասարդական համամիութենական ցուցահանդեսի քննարկումների և հնչած քննադատությունների արդյունքում մի խումբ այլախոհ արվեստագետներ, ում ստեղծագործական մոտեցումները և գաղափարները մերժվում էին խորհրդային ապարատի կողմից, հնարավորություն ստացան ցուցադրություն կազմակերպելու Նկարիչների միությունում: 1987 թվականի ապրիլի 10-ին Նկարիչների միության 3-րդ հարկի գիտաժողովների սրահում բացված ցուցադրությունը, որի հիմնական կորիզը կազմեցին դեռևս 70-ականների վերջերից և 80-ականների սկզբներից Հայաստանում ձևավորված ընդհատակյա ավանգարդիստական տարբեր խմբավորումները և անհատ արվեստագետները, վերաճելու էր արվեստային մի շարժման, որը որոշիչ դերակատարում էր ստանձնելու Հայաստանի ժամանակակից արվեստի հետագա զարգացման և նոր պրակտիկաների հաստատման համար:
Ցուցադրության անվանումը հղում էր ցուցադրության վայրին` Նկարիչների միության 3-րդ հարկին, և հետագայում էլ շարժումը հանդես էր գալու այդ անվան ներքո` «3-րդ Հարկ»:
1987 թվականի առաջին ցուցադրությունը, որը տևեց վեց օր, ուղեկցվեց ժամանակի ավանգարդ երաժշտության և գրականության, կինոյի և կերպարվեստի ներկայացուցիչների հետ հանդիպումներով և արվեստի շուրջ բուռն քննարկումներով: Ցուցադրության հաջողությունը և բուռն արձագանքները մասնակից շատ արվեստագետների համար ճանապարհ բացեցին Նկարիչների միության ինստիտուցիոնալ տիրույթ` նպաստելով խմբի հետագա ազատ գործունեության ծավալմանը և հանրային ներկայացուցչականությանը:
Ցուցահանդեսային ակտիվ գործունեությանը զուգահեռ «3-րդ Հարկ»-ի ինքնարտահայտման կարևորագույն դրսևորումներից էին պարբերաբար հրապարակվող մանիֆեստները, որոնք ձևակերպում էին խմբավորման հիմնական գաղափարախոսությունը և այն չափանիշները, որոնց հիման վրա կայանում էր նրանց արվեստը:
Շարժումը ներկայացնող արվեստագետների հետահայաց բնորոշմամբ` «3-րդ Հարկ»-ը դարձավ «թարմ շնչառության» մի տարածք, որը Հայաստանում վերաձևակերպեց արվեստում ազատության չափանիշները և այդ չափանիշները սահմանող անհատների ստեղծագործական հնարավորությունները:
«Երեսուն աստիճան դեպի 3-րդ Հարկ» ցուցադրությունը կազմակերպվել է Գաֆէսճեան արվեստի կենտրոնի Պատանեկան խորհրդի նախագծի շրջանակներում` նպատակ ունենալով հետահայաց ներկայացնել խմբի գործունեության վավերագրությունը արխիվային լուսանկարների և տեսանյութերի, ինչպես նաև մանիֆեստների միջոցով, միաժամանակ հաղորդակցության հարթակ ստեղծել «3-րդ Հարկ» խմբի արվեստագետների և ներգրավված պատանիների միջև:
Նախագծի շրջանակներում նկարահանվել է տեսանյութ խմբի արվեստագետների մասնակցությամբ, ովքեր երեսուն տարիների հեռավորությունից վերաներկայացնում են խմբի ստեղծման ե կայացման նախադրյալները, հիմնական ձեռքբերումները:
Ցուցադրությունը նաև ներառում է Գաֆէսճեան պատանեկան խորհրդի անդամների մանիֆեստը, ում համար ոգեշնչման աղբուր են հանդիսացել «3-րդ Հարկ»-ի գործունեությունը և արվեստագետների հետ հանդիպումները:
Եվ քանի որ «3-րդ Հարկ» շարժումը բաց էր արվեստային բոլոր դրսևորումների համար, «Երեսուն աստիճան դեպի 3-րդ Հարկ» ցուցադրության շրջանակներում այցելուներն ազատ են արվեստի մասին իրենց սահմանումները թողնելու ցուցասրահում տեղադրված համապատասխան պաստառի վրա:
-webp(95)-o(jpg).webp?token=32ad1e4f0df179d6301f3d878a02e188)
-webp(95)-o(jpg).webp?token=883673a2d8f578d4d55c1f69b166ed1d)
-webp(95)-o(jpg).webp?token=764ba9c3bad11f53b8bc5d4dec3fb1c5)
-webp(95)-o(jpg).webp?token=801a2ec12bb2e01c5189e649dec8c87c)
-webp(95)-o(jpg).webp?token=5cfef1647f150325c83d79512896abba)
-webp(95)-o(jpg).webp?token=a630e950fca6330b43ec9c94828ef96c)
-webp(95)-o(jpg).webp?token=6242897d86edaf4b35afa8e9683312de)
-webp(95)-o(jpg).webp?token=f2519b788c6007f99271fdf0892f6c49)
-webp(95)-o(jpg).webp?token=b7ee5c8ec9564aa79121f29e37b0ba70)
-webp(95)-o(jpg).webp?token=1e5f00e3377c40a61c4d8a645fa801de)
-webp(95)-o(jpg).webp?token=1762385926537d4bcbdc757b35022845)
-webp(95)-o(jpg).webp?token=0f247dd6627b722a0a8251fbe6966384)
-webp(95)-o(jpg).webp?token=b0fcd3f805a14fdd23c6460eebbdcda1)
-webp(95)-o(jpg).webp?token=43b31dcb91ac6090f60baa37eb02370e)
-webp(95)-o(jpg).webp?token=fcb774fabdf856f5ae3346e61415d327)
-webp(95)-o(jpg).webp?token=b2e21813a565b6bcaec02cbad51f1ec2)
-webp(95)-o(jpg).webp?token=49102890fda4dd51d95492d28ef135d7)
-webp(95)-o(jpg).webp?token=71b442c4b4c9143333592da32cfc8f1d)
-webp(95)-o(jpg).webp?token=aee1781e53c2b6af8b9b109ee3ed893d)
-webp(95)-o(jpg).webp?token=8dc21f8f9fd31b99d872d606742b0620)
-webp(95)-o(jpg).webp?token=840c1bbd2f59e238f4da78fc9c8885d2)
-webp(95)-o(jpg).webp?token=11d3dedc92cef8067e1d9f7b25fb19c8)
-webp(95)-o(jpg).webp?token=a80edf4c5778ea58e18e582dc52172f3)
-webp(95)-o(jpg).webp?token=66dcde435520502907afb231c79dd4ab)
-webp(95)-o(jpg).webp?token=811155ecebc7d8f3b4bff1e31d146db5)
-webp(95)-o(jpg).webp?token=b81f72438e61b821f9074e45150af8c8 "Museum Night at the Cafesjian Center for the Arts, May 20 2017")
-webp(95)-o(jpg).webp?token=a47163a28282549d5616aee56eb50ecf "The“3-rd Floor” in the Artists’ Observations 30 Year Later”")
-
ԳԻՏԱԺՈՂՈՎԵրկխոսությունն իբրև անելիք. «3-րդ հարկ»-ի հայտը և այժմեականությունը 30 տարի անցԻմանալ ավելին
-
Գիտաժողովի նյութերի ժողովածուԵրկխոսությունն իբրև անելիք. «3-րդ հարկ» -ի հայտը և այժմեականությունը 30 տարի անցԻմանալ ավելին
-webp(95)-o(jpg).webp?token=ae58b0587a9129b67d46119684426898 "Գրիգոր Խանջյանի որմնանկարը")
-webp(95)-o(jpg).webp?token=1939b37ebb3288980e8dc06b342b05cc "«Սասունցի Դավիթ» Որմնաքանդակ")
-webp(95)-o(jpg).webp?token=750266e91240223aafe180ade60f0f2a "Արտաքին հարթակներ")
-webp(95)-o(jpg).webp?token=630c2399bae11eca15b8485e4bd98c61 "Շարժասանդուղքների սրահ")
-webp(95)-o(jpg).webp?token=f22dc33aee23a72db7987f7e1fe7f72c "Գաֆէսճեան քանդակների պարտեզ")
-webp(95)-o(jpg).webp?token=202c0277460c8654cd149363b76b7f92 "Կոլեկցիոների ներաշխարհում")
-webp(95)-o(jpg).webp?token=655d435cf9d8423654be4e3522905a56 "Սվարովսկի Բյուրեղյա պալատ")
studio-one