Գարնանային մոտիվներ. Ընտրանի Ռուսական արվեստի թանգարանի հավաքածուից

«Գարնանային մոտիվներ. Ընտրանի Ռուսական արվեստի թանգարանի հավաքածուից» ցուցահանդեսը բացվեց Գաֆէսճեան արվեստի կենտրոնի «Սասունցի Դավիթ» պարտեզի սրահում մարտի 1-ին:

Ցուցահանդեսում ներկայացված է 23 ստեղծագործություն Հայաստանի Ռուսական արվեստի թանգարանի (Ա. Աբրահամյանի հավաքածու) պահոցներից, որոնք միավորվում մեկ ընդհանուր թեմայով` կանանց դիմանկարներ և ծաղիկներ: Ցուցահանդեսի վառ գունապնակը լուսավոր զգացումներ է արթնացնում` կապված գարնան զարթոնքի, արևի ու ջերմության գալուստի հետ: Ստեղծագործությունների կամերային բնույթը կրում է կոլեկցիոների անհատական ճաշակի, նրա գեղարվեստական նախասիրությունների դրոշմը: Միևնույն ժամանակ ցուցադրությունը կրում է խորհրդանշական կարևորություն, քանի որ ներկայացնում է 19-րդ դարի վերջի և 20-րդ դարի սկզբի, ինչպես նաև սովետական շրջանի մի շարք ականավոր նկարիչների արվեստը, այդ թվում այնպիսի անուններ, ինչպիսիք են` Միխայիլ Վրուբելը, Եղիշե Թադևոսյանը, Եվգենի Լանսերեն և այլոք:

Ցուցահանդեսը Գաֆէսճեան արվեստի կենտրոնի նախաձեռնությունն է, որով նշանավորվում է Գաֆէսճեան արվեստի կենտրոնի միջթանգարանային համագործակցության ծրագիրը:

Տեսաշար