Գաֆէսճեան արվեստի կենտրոնը (ԳԱԿ) ներկայացրեց հատուկ միջոցառում՝ նվիրված Վենետիկի 56-րդ Բիենալեում Հայաստանի Հանրապետության ազգային տաղավարին

Հուլիսի 12-ին Գաֆէսճեան արվեստի կենտրոնը (ԳԱԿ) ներկայացրեց հատուկ միջոցառում՝ նվիրված Վենետիկի 56-րդ Բիենալեում Հայաստանի Հանրապետության ազգային տաղավարին, որն արժանացավ «Ոսկե առյուծ» հեղինակավոր մրցանակին՝ ազգային լավագույն մասնակցության համար: Այս հեղինակավոր հարթակում Հայաստանը ներկայացավ «Հայություն» խորագրով ցուցադրությամբ, որը համադրվել էր միջազգային ճանաչում վայելող համադրող Ադելինա ֆոն Ֆյուրստենբերգ-Ջուբերյանի կողմից:

Ազգային տաղավարի հանրային ներկայացման շրջանակներում ցուցադրվեց Հայկական տաղավարի մասին պատմող փաստագրական ֆիլմ Կենտրոնի Հատուկ միջոցառումների սրահում:

Միջոցառումը կազմակերպվել է Վենետիկի 56-րդ Բիենալեում Հայաստանի Հանրապետության ազգային տաղավարի հետ համագործակցությամբ: Հայկական տաղավարի համակոմիսար Վարդան Կարապետյանը տաղավարի գլխավոր կոմիսարի՝ Հայաստանի մշակույթի նախարարության անունից հանդես եկավ ողջույնի խոսքով: Ադելինա ֆոն Ֆյուրստենբերգ-Ջուբերյանը ներկայացրեց Ազգային տաղավարի ընդհանուր հայեցակարգը, ինչպես նաև ֆիլմը: Ազգային տաղավարի շրջանակներում ներկայացված արվեստագետներից Արամ Ջիբիլյանը ևս ներկա էր միջոցառմանը և կիսվեց իր տպավորություններով:

Տեսադարան

Այցելության լուսանկարները
Իմանալ ավելին

ԱՅԼ ՆՈՐՈՒԹՅՈՒՆՆԵՐ

ԳԱԿ շարունակական անդամներին նվիրված երեկո

18 մյս 2026

ԳԱԿ շարունակական անդամներին նվիրված երեկո

Թանգարանների միջազգային օրը ևս մեկ հնարավորություն է արժևորելու թանգարանների դերը և շնորհակալություն հայտնելու այն մարդկանց, ովքեր մեր կողքին են։ Այս տարի Թանգարանների միջազգային օրը նշանավորվեց Գաֆէսճեան արվեստի կենտրոնի (ԳԱԿ) շարունակական անդամների համար նախատեսված հատուկ միջոցառմամբ, որը տեղի ունեցավ վերջերս վերաբացված «Խանջյան» սրահում։