Մշակութային համայնքի ամենամյա ընդունելությունը ԳԱԿ-ում

Մայիսի 30-ին Գաֆէսճեան արվեստի կենտրոնում կայացավ թանգարանային աշխատողների և մշակութային համայնքի ներկայացուցիչների ամենամյա ընդունելությունը: Հյուրերի համար Կենտրոնը նախապատրաստել էր յուրահատուկ երեկո: Նախ վերջիններս ծանոթացան պատկերասրահ Մեկում այս տարի բացված Ինտերակտիվ ուսումնական կենտրոնին, որտեղ ներկայացված գրքերի լայն տեսականին հետաքրքրեց բոլորին:

Այնուհետև հյուրերը հնարավորություն ունեցան դիտելու «Սարգիս Համալբաշյան. հայկական թաղամաս» (Սասունցի Դավիթ պարտեզի սրահ) և «Սահակ Պողոսյան. մեծ մորս աչքերի լռությունը» (Արծիվ սրահ) ցուցադրություններ: Արվեստագետ Սահակ Պողոսյանն անձամբ ներկայացրեց իր նախագիծը ներկաներին:

«Խանջյան» սրահում ցուցադրված Սուրեն Պիպոյանի «Գաղթ» մեծադիր կտավի մասին հյուրերին պատմեց արվեստագետի դուստրը՝ երգչուհի Լիլիթ Պիպոյանը: Ներկաները նաև վայելեցին Լիլիթ Պիպոյանի կատարումները փոքրիկ նվագախմբի, ինչպես նաև մանկական երգչախմբի մասնակցությամբ:

Երեկոն ամփոփվեց հյուրասիրությամբ. արվեստագետները, թանգարանային աշխատակիցներն ու մշակութային համայնքի ներկայացուցիչները միմյանց հետ շփվելու և հաճելի երեկո անցկացնելու հոյակապ հնարավորություն ստացան:

Տեսադարան

Միջոցառման լուսանկարներն ու տեսանյութը
Իմանալ ավելին

ԱՅԼ ՆՈՐՈՒԹՅՈՒՆՆԵՐ

ԳԱԿ շարունակական անդամներին նվիրված երեկո

18 մյս 2026

ԳԱԿ շարունակական անդամներին նվիրված երեկո

Թանգարանների միջազգային օրը ևս մեկ հնարավորություն է արժևորելու թանգարանների դերը և շնորհակալություն հայտնելու այն մարդկանց, ովքեր մեր կողքին են։ Այս տարի Թանգարանների միջազգային օրը նշանավորվեց Գաֆէսճեան արվեստի կենտրոնի (ԳԱԿ) շարունակական անդամների համար նախատեսված հատուկ միջոցառմամբ, որը տեղի ունեցավ վերջերս վերաբացված «Խանջյան» սրահում։