Թանգարանային միջազգային խորհրդի (ԻԿՕՄ) Կրթության և մշակութային գործունեության միջազգային կոմիտեի (ՍԵԿԱ) նախագահ Էմմա Նարդին այցելեց Գաֆէսճեան արվեստի կենտրոն

2012 թվականի հունիսի 20-ին Թանգարանային միջազգային խորհրդի (ԻԿՕՄ) Կրթության և մշակութային գործունեության միջազգային կոմիտեի (ՍԵԿԱ) նախագահ Էմմա Նարդին, ամուսնու և Հայաստանի ԻԿՕՄ-ի Ազգային կոմիտեի տնօրեն Անի Ավագյանի ուղեկցությամբ, այցելեց Գաֆէսճեան արվեստի կենտրոն:
Հյուրերը շրջայց կատարեցին Գաֆէսճեան արվեստի կենտրոնով, ներառյալ Քանդակների պարտեզը, բոլոր ցուցասրահները և Կասկադ համալիրի բացօթյա հարթակները: Շրջայցն ավարտվեց կենտրոնի Հատուկ միջոցառումների սրահում, որտեղ երկու կողմերի միջև քննարկվեցին կազմակերպչական հարցեր՝ «Թանգարանը և գրավոր հաղորդակցություն. ավանդույթ և նորարարություն» խորագիրը կրող գալիք միջազգային գիտաժողի վերաբերյալ:
Տիկին Էմմա Նարդին շատ տպավորված էր Գաֆէսճեան արվեստի կենտրոնի ցուցահանդեսներով և կրթական ծրագրերով: Նա հիացավ նաեւ Հատուկ միջոցառումների սրահից բացվող քաղաքի և Արարատի գեղեցիկ տեսարանով:
Այցելության ավարտին, տիկին Նարդին գրեց իր տպավորությունների մասին Կենտրոնի հիշողությունների գրքում. «Գաֆէսճեան արվեստի կենտրոն այցելությունն ինձ համար մեծ փորձառություն է: Այստեղ գալուց առաջ ես գիտեի, որ Հայաստանն ունի փառահեղ անցյալ. այժմ ես գիտեմ, որ այն ունի նաև փայլուն ապագա»:

Տեսադարան

Այցելության լուսանկարներն ու տեսանյութը
Իմանալ ավելին

ԱՅԼ ՆՈՐՈՒԹՅՈՒՆՆԵՐ

ԳԱԿ շարունակական անդամներին նվիրված երեկո

18 մյս 2026

ԳԱԿ շարունակական անդամներին նվիրված երեկո

Թանգարանների միջազգային օրը ևս մեկ հնարավորություն է արժևորելու թանգարանների դերը և շնորհակալություն հայտնելու այն մարդկանց, ովքեր մեր կողքին են։ Այս տարի Թանգարանների միջազգային օրը նշանավորվեց Գաֆէսճեան արվեստի կենտրոնի (ԳԱԿ) շարունակական անդամների համար նախատեսված հատուկ միջոցառմամբ, որը տեղի ունեցավ վերջերս վերաբացված «Խանջյան» սրահում։