ՅՈՒՆԵՍԿՕ-ի հիմնադրման 70-ամյակի առթիվ կոնֆերանսի մասնակիցները այցելեցին ԳԱԿ

Հուլիսի 13-ին Գաֆէսճեան արվեստի կենտրոն էին այցելել ՅՈՒՆԵՍԿՕ-ի հիմնադրման 70-ամյակի առթիվ Երևանում կազմակերպված «Մշակութային քաղաքականություն, քաղաքականություն մշակույթի համար. մշակույթի դերը «Ետ-2015» զարգացման օրակարգում» խորագրով միջազգային կոնֆերանսի մասնակիցները. պատվիրակներ շուրջ 45 երկրից և միջազգային կազմակերպություններից:

Պատվիրակներին ողջունեց Գաֆէսճեան արվեստի կենտրոնի գործադիր տնօրենի պաշտոնակատար Վահագն Մարաբյանը: Ապա հյուրերը բաժանվեցին խմբերի և նրանց համար կազմակերպվեց եռալեզու շրջայց Կենտրոնի սրահներում. անգլերեն, ռուսերեն և ֆրանսերեն լեզուներով: Կոնֆերանսի մասնակիցներն անչափ տպավորված էին Գաֆէսճեան արվեստի կենտրոնով և ուրախ էին տեսնել Հայաստանում միջազգային չափանիշներին համապատասխանող նման կառույց:

Շրջայցի վերջում բոլոր հյուրերին բաժանվեցին Կենտրոնի կողմից պատրաստված փաթեթներ, որոնք ներառում են վերջին տարիներին կազմակերպված ցուցադրությունների կատալոգները, ինչպես նաև տեղեկատվական բուկլետներ: Հյուրերից ոմանք կիսվեցին իրենց տպավորություններով Գաֆէսճեան արվեստի կենտրոնի հուշամատյանում. ՅՈՒՆԵՍԿՕ-ի Մշակութային քարտուղարի տեղակալ Ալֆրեդո Պերեզ դե Արմինյանը, ինչպես նաև Վատիկանը ներկայացնող արքեպիսկոպոս Ֆրանչեսկո Ֆոլոն բարձր գնահատականի արժանացրեցին Գաֆէսճեան արվեստի կենտրոնը:

Տեսադարան

Այցելության լուսանկարներն ու տեսանյութը
Իմանալ ավելին

ԱՅԼ ՆՈՐՈՒԹՅՈՒՆՆԵՐ

ԳԱԿ շարունակական անդամներին նվիրված երեկո

18 մյս 2026

ԳԱԿ շարունակական անդամներին նվիրված երեկո

Թանգարանների միջազգային օրը ևս մեկ հնարավորություն է արժևորելու թանգարանների դերը և շնորհակալություն հայտնելու այն մարդկանց, ովքեր մեր կողքին են։ Այս տարի Թանգարանների միջազգային օրը նշանավորվեց Գաֆէսճեան արվեստի կենտրոնի (ԳԱԿ) շարունակական անդամների համար նախատեսված հատուկ միջոցառմամբ, որը տեղի ունեցավ վերջերս վերաբացված «Խանջյան» սրահում։