2012 թվականի հունիսի 20-ին Թանգարանային միջազգային խորհրդի (ԻԿՕՄ) Կրթության և մշակութային գործունեության միջազգային կոմիտեի (ՍԵԿԱ) նախագահ Էմմա Նարդին, ամուսնու և Հայաստանի ԻԿՕՄ-ի Ազգային կոմիտեի տնօրեն Անի Ավագյանի ուղեկցությամբ, այցելեց Գաֆէսճեան արվեստի կենտրոն:

2012 թ. մայիսի 26-ին ԱՄՆ «Կազմակերպությունների ազգային էթնիկ կոալիցիայի» (ԿԱԷԿ) նախագահ Նասեր Կազեմինիի գլխավորած պատվիրակությունն այցելեց Գաֆէսճեան արվեստի կենտրոն (ԳԱԿ):

Գաֆէսճեան արվեստի կենտրոնի «Սասունցի Դավիթ» պարտեզի հարթակում տեղադրվել է մեկ այլ նոր ցուցանմուշ` «Քրոմապատ «օդ-օդ» հրթիռ»:

Գաֆէսճեան արվեստի կենտրոնի Շարժասանդուղքների սրահում տեղադրվել է «Գաֆէսճեան բյուրեղապակյա աշտարակ» նոր քանդակը: Այն եզակի աշխատանք է՝ ստեղծված Գաֆէսճէան արվեստի կենտրոնի անձնակազմի կողմից, Ջերարդ Գաֆէսճեանի մտահղացմամբ:

Գաֆէսճեան արվեստի կենտրոնի (ԳԱԿ) բացօթյա «Սասունցի Դավիթե պարտեզի հարթակում տեղադրվել է նոր քանդակ` կորեացի արվեստագետ Ջի Յոնգ Հոյի հեղինակած «Առյուծ 2» (2008թ.) աշխատանքը: Այս քանդակն ընդլայնում է Գաֆէսճեան քանդակների պարտեզում և Գաֆէսճեան արվեստի կենտրոնում ցուցադրված մոնումենտալ քանդակների տպավորիչ ընտրանին: Այստեղ արդեն իսկ ներկայացված են համաշխարհային համբավ ունեցող այնպիսի արվեստագետներ, ինչպիսիք են Ֆերնանդո Բոտերոն, Ժաումե Պլենզան, Բարրի Ֆլանագանը, Լին Չեդվիքը և Դեյվիդ Բրոյեր-Վեյլը:

“ԱրմենՏել” ընկերությունը (ապրանքանիշը` Beeline) դարձավ Գաֆէսճեան արվեստի կենտրոնի առաջին կորպորատիվ անդամը: Փետրվարի 25-ին` հանդիսավոր արարողության ժամանակ, Կենտրոնի գործադիր տնօրենի պաշտոնակատար Վահագն Մարաբյանը “ԱրմենՏել” ՓԲԸ գլխավոր տնօրեն Իգոր Կլիմկոյին հանձնեց «Բարերար» մակարդակի կորպորատիվ անդամակցության վկայագիր` 2011 թվականին մանկական ու երիտասարդական, կրթական ու ստեղծագործական ծրագրերին աջակցելու համար:

2011 թվականի դեկտեմբերի 29­-ին Երևանի քաղաքապետ Տարոն Մարգարյանը  պարգևատրեց Գաֆէսճեան արվեստի կենտրոնին շնորհակալագրով` արդյունավետ գործունեության և ստեղծագործական հաջողությունների համար:

Գաֆէսճեան արվեստի կենտրոնի «Կոլեկցիոների ներաշխարհում» ցուցադրությունը համալրվել է նոր կինետիկ քանդակով: Էլեկտրական շարժական գովազդային տիկնիկը արտադրվել է ամերիկյան Մեքենիքլ Մեն Ինք. կազմակերպության կողմից:

Գաֆէսճեան արվեստի կենտրոնի (ԳԱԿ) բացօթյա Խանջյան հարթակում տեղադրվել են երկու նոր բրոնզե քանդակներ` բրիտանացի արվեստագետ Դեյվիդ Բրոյեր-Վեյլի հեղինակած «Այցելուն» 2011թ., որը ստեղծվել է Ջերարդ Գաֆէսճեանի պատվերով հատուկ Գաֆէսճեան արվեստի կենտրոնում տեղադրվելու համար, և «Ծածանը», որը 2000 թվականին հեղինակել է ֆրանսիացի արվեստագետ Ֆրանսուա-Քսավիե Լալանը: